To je gwësno wiôldżé wëdarzenié, czedë
możemë słëchac lëdzy, chterni grają rock. - Jo? To je ko zwëczajné!
- Në, le òni grają rocka pò kaszëbskù!
Zaczãło sã w taczi ôrt, że piãc lëdzy z Rëmië, rozsądzelë,
że zrobią kapelã. Nibe w tim ni ma nick dzywnégò, bò doch
wiele lëdzy graje na różnëch jinstrumentach, to ni lëdze zaczëlë
spiewac pò kaszëbskù. To bëła dlô mnie wiôlgô redosc, czedë
jô ùczuł tekstë Jana Trepczika, zaspiéwóné do mùzyczi rockòwi.
W nym sztóce jô czuł, że kaszëbizna nie je le fòlklorã, gãdanim
stôrëch lëdzy leno je żëwim organizmã, chteren mòże i chce
zrobic wszëtkò na swój apartni ôrt.
Spiëwôkã i liderã kapelë je Michôł Pieper z Remië. Dlô niegò,
jak téż i dlô mnie baro wôżné je, żebë kaszëbizna nie bëła
folklo-rã, le żëwą sprawą, żëwëch lëdzy, młodëch, nëch, chterni
za pôra dni, abò lôt bądą tworzëc obrôz Pòmò-rzégò. Temù jich
pierszô płëta je zatitułowónô: “Do młodëch”.
24 lëstopadnika òdbiła sã we Miejsczim Dodomie Kùlturë we
Kackù promòcëjô ni płëtë. Kapela zagra wszëtczé swòjé frantówczi,
chterné są na płëcë. Słëchińcë, w tim starostë krejzów wejrowsczégò,
pùcczégò, przéd-nik Zrzeszeniégò Kaszëbskò-Pòmòrsczégò, bëlë
wzrëszóni. Doch to nie je kòżdégò dnia, żebë słëchac pierszégò
w historëji kòncertu kaszëbsczégò rocka...
|