Chòc jô do Zrzeszeniégò Kaszëbskò - Pòmòrscziégò nie nôleżã,
w tej sprawie móm prawò a nawet i òbowiązk sâ wëpòwiedzec.
Czë Zrzeszenié je naszą reprezentacëją? Termin „reprezentacëjô”
òznôczô krąg lëdzy abo institucëją wëstąpiwającô w mionie
kògòs. Czë taką reprezentacëją wëstąpiwającą w naszim mionie
je Zrzeszenié? Mëszlâ, że w wiôldżim dzélu nié. Żebë kògòs
reprezentowac, trzeba bëc przez niegò do tegò upòwôżnionim
i wëbrónim. ZK-P skłôdo sâ z nôleżników - Kaszëbów, Pòmòrzaków
i jinszech, co dobrowólno do niegò przëstąpilë. Ti nôleżnicë
wëbiérają swòje władze. Ë te władze są reprezentacëją swòjich
nôleżników. Władze te nie reprezentëją w całoscë Kaszëbów
ani nie są przez nich wëbiéroné. Jakbë mało tegò bëło, miedzë
władzamë ZK-P a całoscą lëdu kaszëbsczégò robi sâ corôz to
wiâkszô przepadniô. Jedni wëdzëwiają ò jãzëkù i kùlturze,
robią kariére pòliticzné i uczbowé, jéżdżą pò swiece nierzôdkò
plotąc głëpòte ò żëcim codniowim prostégò Kaszëbë, a dredżi
baro mòcno mùszą rozmëszlac, jak tu wëżëwic swòją rodzëznâ.
I dze tu do głodnégò z gôdką ò kùlturze. Władze zrzeszeniowé,
czej wa sã uwôżôta za jegò reprezentacëją, dôjta mù wprzódk
co do jôdë i jaką robòtâ. A timczasâ władze ZK-P tegò nôważniészégò
problemù dzisészich Kaszëbów wcale nie widzą. Zamklë sã w
swòjim półswiôtkù ùczbòwim, ë tëli jich widzec, co jima jich
interes nakôzëje.
Na szczescé dla Kaszëbów są jesz westrzód nôleżników ZK-P
lëdze, chternim zanôléżi na pòprawie namienieniégò Kaszëbów.
Mëszlã tu ò lëdzach zrzeszonich z samòrządami gminnëmi i krézowëmi.
W taczim Pùckù sygło, że władzã w krézu òbjãlë prôwdzëwi,
bëlni Kaszëbi, a ju stôł sâ kréz pùcczi jednim z lepszich
w całi Pòlsce. To samò dzejac sã zaczinô w krézu wejrowsczim.
Lëdze ti òstale wëbróni w wëbiérkù, a nié przez nominacëją.
Wiedzą, że bãdą ze swòji robòte rozliczoni przez wëbiérôczów.
Kò tej jã wëkònëją nôlepi, jak blós pòtrafią. Może to je rada,
be pòwòłac òrganizacëją wëbiéróną w wòlnich wëbiérkach przez
ògle Kaszëbów. Stwòrzenié taczégò swòjistégò parlamentu kaszëbsczégò
reprezentëjącégò sprawë Kaszëbów w kòntaktach z władzą wòjewódzką
i centralną bëłobë - mëszlã - nôlepszim rozwiązanim, bo tej,
nawetka, czej w wieldżim dzélu òstalë bë wëbróni ti sami lëdze,
co dzysô sedzą we władzach ZK-P, bëłabë to prôwdzëwô kaszëbskô
reprezentacëjô, znającô aktualną sytuacëją zrzëszeno-gòspòdarzczą
naszi kaszëbsczi zemi.
Unzel
zaczątk
|