Na zaczątkù gòdnika òdbéł sã Zjôzd Kaszëbskò-Pòmòrsczégò
Zrzeszeniô. Wëstrzód wielu gòsców bëło widzec wastã J.R. Kùrilczika
– wòjewòdã pòmòrsczégò.K-PZ wëlowało swòje przédnicwò. Tim
razã do biôtczi ò fùnkcją przédnika stanãło dwùch kandidatów:
Kazëmiérz Klawiter z Rëmi ë Brunon Sënak ze Gdunska – przédnik
w latach 1998-2001. Dobéł ten drëdżi.Òd razu naczãłë sã rozwôżania:
dlôcze Sënak òstôł jesz rôz wëlowóny. Jedny gôdelë, że jegò
lëniô programòwô – jegò dbë są w centrze rësznotë ë widzą
sã wikszoscë delegatów. Jinszi gôdelë, że to je blós strach
przed zjinaką. Mòże ë jo, bò to je wiedzec, że Klawiter je
w tak zwónym „òbòzu samòrządzënowim” ë mô mòże përznã jinszi
pòzdrzatk na kaszëbiznã. Kò to òn bé jednym z dejodôwców banë
Transcassubia. To jegò part KP-Z przejimô môłé szkòłë chtërne
są zagrożoné ùpôdkã.A mòże téż to je tak, że czéj za przédnika
je ta sama òsoba, téj nic za wiele sã nie zmieni ë kòżden
mdze robic to co robił, na taczi sóm ôrt? Mòże tegò naju dzejôrze
nôbarżi chcą?Mùszã le jesz rzeknąc, że (co dzywné) përznã
më sã wszëtcë do se zbliżëlë, òdkąd jô w Radio Gdunsk (3.XII.2001)
uczuł jak nowi przédnik Sënak, gôdôł ò kaszëbiznie we wszëtczich
szkòłach- nié blós môłëch ë kaszëbiznie na codzén – nié blós
òd swiãta ë na kònkursach.
(pk)
Czëtôj téż
ë kòmentôrz
|