Na sami Nordze Kaszub leżi Élskô Kòsa. Tu tak dërch bëła
wëkònywóny le jeden wark: wszëtczi chłopi bëlë rëbôcë, białczi
ë dzece jima pòmôgalë. Rëbôkama bëlë tu wszëtczi òd wielesta
lat, dopiérze pò pierwszi swiatowi wòjnie, jak zaczëlë sã
zjazdżac latownicë, lëdze zaczëlë wënajmowac jim jizbë, ale
bëło to zajicé le na lato, przez resztã rokù wszëtczi tak
jak przódë bëlë rëbôcë. Pò drëdżi wòjnie latowników przëjeżdżało
corôz wicy, niechtërny przestôwalë bëc rëbôkama, wënajmòwale
le jizbë. Terô rëbôków téż je tu wiele, ale tich co ùtrzimùją
sã z turisticzi je wicy. Òd pôra lat jednak wëzdrzi, że wnet
rëbôków mdze jesz mni, a mòże nie mdze jich wcale. Pòlskô
chce weńc do Ùniji Europejsczi ë naòprzód na najich kùtrach
mùszi bëc tak samò czësto jak na europejsczich. To rëbôcë
rozmieją, le że żądô sa òd nich narôz nawet wikszi czëstosce
jak òd cëzëch. Jednak nôbarżi òni sã bòją wiôldżich cëzëch
kùtrów, co mdą mògłë łowic na najich wòdach ë chùtkò nama
wëłowią wszëtczi rëbë, a kaszëbsczi rëbôk mdze głodowôł.
Mòże òn dërch zmienic jesz wark, ale rëbôk na Élsczi Kòse
to nie je le sóm ôrt zarabianiégò na żëcé, to téż môlowô kùltura
ë tradicëjô. Temù téż rëbôcë szukają lëdzy, co bë jima pòmòglë.
Nalezlë taczëch nawet w pòlszcim Sejmie, pòseł Jerzi Bùdnik
z zemi wejrowsczi, a Kazëmiérz Plocke z zemi pùcczi, są òd
dôwna drëszë rëbôków ë pòpierają jich zgrôwã. Òstatno apel
w ti sprawie pòdjãła Reda Gardu Jastarnie ë wësła gò do pòlsczégò
przédnictwa. Wszëtczi Redë Gardów ë Gmin nadmòrsczich dostelë
gò téż z prosbą, żebë taczi apel podjic we swòjim jimieniu.
Sprawa ta je baro wôżnô dlô héwòtnëch lëdzy. Całi pùcczi pòwiat
mô 70 tësący lëdzy, ale tutak je jaż dwadzesca piãc procent
całégò polsczégò rëboctwa.
Le czë to sygnie?
R. Struck , Jastarniô
zaczątk
|