| 29 czerwińca jak co rokù – w swiãto apòstołów Piotra ë Pawła
– w Pùckù òdbëła sã jedurnô na Kaszëbach ë gwësno téż jedurnô
w Europie Mòrskô Pielgrzimka Rëbôków. Latos drëdżi rôz z tim
swiãtã béł sparłãczony festin. Gwiôzda sobòtnégò wieczora bëła
Antonina Krzisztoń. W niedzelã òdbéł sã Wialdżi Ewangelëzacëjny
Kòncert. Całi zwësk òstôł przekôzóny na letné kòlonije dzecy
z biédnëch rodzënów.
Bôtë wëpłënãłë z pùcczégò pòrtu kòl gòdz. 11.30.
Z abp. Tadeuszã Gòsłowsczim Metropòlëtą Gdunsczim ë wieloma
gòscama na dece spòtkałë sã na westrzódkù Pùcczi Hôwindżi
z bôtama z Élsczi Kòse. Na wòdze òsta òdprôwionô mszô. Òb
deszcz rëbôcë dzãkòwelë Bògù ë sw. Piotrowi – patronowi rëbôków
za łaskã òb całi rok.
Na Ewnagelëzacëjnym Kòncerce w niedzelã wëstąpiło
gdunsczé karno mùzyczné Jestem ë Młodzëznowi Chùr Juventus
z Dërszewa, Macéj Sëkała (saksofón) ë Weronika Korthals.
Gòscama bëła téż jitalskô grëpa wëchôdającëch
ze znãtë. Ti dôwają wzór, że z wiarą jidze radzëc so w żëcym,
nawetka z nôłogama. Nôleżnicë tegò karna dzãka wierze wëszlë
z nôłogù narkòmanije.
Pùckô parafiô na taczi ôrt zbierô dëtczi na
wëpòczink 150 dzeców z biédnëch rodzënów.
-Ni mómë jesz przërechòwóné zebrónëch dëtków
– gôdô ksądz Pioter Mazur – Mëszlã, że rozegracëjô bëła fejn.
Chòc wiodro nie bëł onôbëlniészé, to wikszosc lëdzy ni mia
strachù deszczu.
(pkc/ps)
Mszą swiãtą òdprôwił ks. Apb. T. Gòcłowsczi
zaczątk
|
