 |
| Kònkùrs w brusczim KLO |
Kaszëbsczé Òglowe Liceùm w Brusach ju pò rôz trzecy òrganizëjë
pòeticzny kònkùrs. Jegò célama je promòwanié
regionalnégò dokôzu pòeticczégò, a téż ùwszednienié kaszëbsczi
mòwë ë pismienniznë. Kònkùrs je adresowóny do młodich
ë starszich, wszëstczich tich, co ju mają skùńczoną spòdleczną
szkòłã. Ò nôdgrodë, dëtkòwë ë ksążkòwe, bëtnicë bãdą sã biôtkòwac
w trzech wiekòwich kategòrëjach: gimnazjalisci; młodi ze szkółów
strzédnich ë zawòdowich; dorosłi. Trzë są téż rówiznë wespółzgrôwë:
1. pòezëjô recëtatorskô w kaszëbsczim jãzëkù (trza so wëbrac
dwa wierztë do deklamacëji); 2. dokôz własny (chãtni do bëcô
w kònkùrsu przesëłają do 31 rujana 2002
r. na adresã szkòłë: Kaszëbsczé
Òglowi Liceum, ùl. Ògrodowô 2, 89 - 632 Brusë, tel/fax 0 - 10
... 523982455 lub na szkòłowégò e - maila: klobrusy@wp.pl
dwie swòje wierztë. Mùszą òne bëc pòdpisóne gòdłã (pseudonimã),
a w drëdżi kòperce z wëpisónym na wierzchù nim gòdłã mùszą sã
nalezc jinformacëje ò bëtnikù, taczé midze jinszima jak: miono,
przezwëstkò, adresa); 3. spiéwne wëkònani bez mùzyczne karna
dwóch, wëbrónych przez se, pòeticznich kszëbskòjãzëkòwich dokôzów.
Jury òstanie pòwòłane bez òrganizatora.
Roztrzëgniãce kònkùrsu òdbãdze sã 16 smùtana
latos ò gòdzënie 10.00 w Kaszëbsczim Òglowim Liceum w Brusach.
Baro rôczimë do bëtnictwa w kònkùrsu.
Jôbard
zaczątk
|
|
| 
Na Jinternece nigdë ni môsz
wszëtczégò…
żebë miec wiedno całą Òdrodã, wiedno na czas – òbacz tuwò
Mòżesz nas wspòmòc w wëdôwanim abò kòlpòrtażu?Napiszë do naju! |
|
|
