 |
| Ùczba Kaszëbiznë w 'Redio Gduńsk' |
Òb lato w Redio Gduńsk bëło czëc audicëje pòswiconé midzë
jinszima kaszëbiznie. Wëstãpòwało tam dwòje lëdzy - chłop ë
białka - jaczi w ti audicëji jezdzelë pò Europie. Chłop - gróny
przez Tomôsza Fòpkã - gôdôł pò kaszëbskù ë ùcził kaszëbsczégò
swòjã białkã.
- Dzéleczi dérowałë 3-4 minutë, ale bëłë baro ùżiteczné dlô
słëchińców - òsoblëwie turistów. Dzãka taczi programie ùczilë
sã ò Kaszëbach a téż baro letkò jima szło òdróżnic Redio Gduńsk
òd jinszëch. Bëło prosto cekawszé. - gôdô Leszk Szmëtke, gazétnik
kaszëbsczi redakcëji RG.
Dôwcą ùdbë béł Jack Naliwajk, gazétnik RG, drëch L. Szmëtczi,
jaczi pòchôdô z Biôłégòstokù. Dlô niegò bëło cekawé, że na tuti
zemi są Kaszëbi, jaczi gôdają swòjim jãzëka. Chcôł tim sã pòdzelëc
z słëchińcama redia. - Na drëdżi rok téż ùdbómë żebë kaszëbizna
bëła w redio, a móm nôdzejã, że mdze ji wicy. - dodôwô L. Szmëtke
– na razu dejade nick jesz ni ma wiedzec.
Gôdóm z Jackã Naliwajkã, dôwcą ùdbë audicëjów. Jem cekôw skądka
sã wzã ùdba taczich programów.
Pòchôdóm z Biôłégòstokù ë żëjã na Kaszëbach le 16 lat, a czëjã
sã ju zżëti z tą zemią. Kaszëbiznã je atutã ti zemi ë je cekawô
nié le dlô Kaszëbów jaczi tuwò mieszkają. Temù prawie më zrobilë
ne audicëje.
Do naju Redakcëji òd séwnika zwònilë lëdze, jaczi nama gôdelë
ò ti audicëji ë dzëwilë sã czemù to nie je cygnioné dali.
Latnô fòrmùla – „ramówka” je jinszô jak zëmòwô. – gôdô Naliwajk
Temù na audicëjô nie bëła kòntinuòwônô w séwnikù. Zato òd 1.
stëcznika mdze zôstnô zjinaka „ramówczi” ë mëszlimë ò tim, żebë
w Redio Gduńsk rôz abò dwa razë òb dzéń wprowadzëc skrócënk
jinfòrmacëjów pò kaszëbskù: wiadło z Pòmòrzégò, z Pòlsczi, ze
swiata – wszëtkò pò kaszëbskù.
pk
zaczątk |
|
| 
Na Jinternece nigdë ni môsz
wszëtczégò…
żebë miec wiedno całą Òdrodã, wiedno na czas – òbacz tuwò
Mòżesz nas wspòmòc w wëdôwanim abò kòlpòrtażu?Napiszë do naju! |
|
|
