Na
jinternétowim serwise www.zk-p.pl/architektura
mòże nalézc taczé òdjimczi jak ne wëżi. Pò co chtos sã tim
zajimô?! Kaszëbskô tradicëjnô bùdowizna je tim, co na pierszé
zdrzenié je widzec, co nas różni òd jinszëch. To je wizytnô
kôrta naji zemie.
Na Wëdzélu Jãzëkòwò-Historicznym Pòmòrsczi Akademiji Szkólnëch
we Stôlpskù je dëcht le terô wëstôwk òdjimków tradicëjny bùdowiznë
z nadmòrsczégò òkòlégò zôpadnëch Kaszëbów, to je ze gminów:
Pòstomino, Stôlpsk, Ùszcz, Smôłdzëno, Łeba. Òrganizatorą je
Stowôra Òpieczi nad Zabëtkama part ze Stôlpska.
Bòdôj – ò czim më piselë w Òdrodze w gòdnikù 2002 – wiele
z nich je zszargónëch abò ze zwëkłi staroscë niszczeje.
Je wôrt ò to miec dbã ë ò tim wdôrzëc. Nen jinternétowi zbiér
na www.zk-p.pl/architektura je jednym z wielu, le przez to
że je na Jinternéce je letkò dostãpny wszëtczim lëdzóm – nawetka
zeza òcéanu. Jeżlë môsz doma cekôw òdjimczi tradicëjny bùdowiznë
z twòjégò òkòlégò, a nëch placów ni ma na jinternétowi starnie
– zazwòni do naju Redakcëji abò napiszë mejla!
zaczątk
|