STRËMIANNIK
Jarosłôw Kroplewsczi
Strëmiannik na trzë stronë spłënie:
Z pòpiołã na se,
Spòd sniegù
Pò flastrze,
Bez biszung
Na ksãżą łąka
spłëną letczi grzéchë
ji tam wmiknóm.
Ùczapóny słowem
Spòd ùrzmë
Pò stegnach
Wedle płotu
Do Kòminka
spłëną strzédni grzéchë
i tam rozrzôdną.
Smiertelny grzéchë sjata
I całich Kaszëbów
Do Swiniewa spłëną
I tam sã bãdą swiniéc.
Na ksãżi łące wôłtôrz,
Kòmink zarosłi,
A Swiniewò...
Swiniewò bãdze jak lëdze.
A na pôłni brzadowô zupa.
A na pò zupie sledze.
zaczątk
|