|
Roczëzna smiercë Józefa Dżerszewsczégò |
Latos je 60. roczëzna smiercë Józefa Dżerszewsczégò, jednégò
z prowôdników Krëjamczi Wòjarsczi Òrganizacëji „Grif Kaszëbsczi”.
Z ti leżnoscë Lëpnicczi Part K-PZ òrganizëje patrioticzną
ùroczëznã. – Mô to przëbaczëc wszëtczim grãdë biôtczi ë smierc
za Tatczëznã nôleżników Grifa. Niech na ùroczëzna przëbôczi
nama jaką òfiarã mają składłé Kaszëbi-Pòmòrzanie w biôtce
z rabczincą – napisôł przédnik lëpnicczégò partu Jãdrzéj Lemanczik
w rôczbie.
Ùroczëzna mdze 31. maja, zôczątk ò 14.00. Môl – Bòrzëszkòwë
– òstôł wëlowóny dlôte, że hénë je grób J. Dżerszewsczégò.
Òrganizatorowie ùdbają prócz òficjalnégò dzéla téż dzél artisticzny
w Dodomie Strôżôka.
„Grif Kaszëbsczi” () bëła to kaszëbskô partizanckô armijô
jakô biôtka procëm miemiecczémù rabczincowi. Ùznôwa wiéchrzëznã
Pòlsczégò Rzãdu w Londinie. Ji ùtwórcą béł Józef Dambek, a
ledżendowim prowôdnikã ks. płk. Józef Wrëcza.
|
W lëpińcu – do Stôłpska |
Latosy Zjôzd Kaszëbów ë Bana Jednotë „Transcassubia” mdze
13. lëpińca. Mdze zòrganizowóné w Stôłpskù.
Bana Trancassubia jezdzy òd czilu lat. Pierszô jacha w Élu
do Chòniców, rok pùzni – z Chòniców do Élu. Trzecô bana przëwiozła
Kaszëbów z Chòniców do Wejrowa. Rok temù banë nie bëło (ò
czim më piselë w lëpińcowim numrze) bò w òstatnym sztërkù
PKP zjinaczëło warënczi ë pòdniosło priz.
Latos bana mô jachac z Élu abò Pùcka do Stôłpska. Nôwikszé
rozegracëje mdą przed rednicą w tim gardze. Tak jak w ùszłëch
latach bana mdze zatrzimòwac sã na wszëtczich banowiszczach
òb swòjã drogã ë zbierac lëdzy z kaszëbsczima fanama.
Wespółòrganizatorama są prócz K-PZ téż przédnik Stôłpska Macéj
Kòbëlinsczi ë stôłpsczé Bùro Marketingù ë Europejsczi Promòcëje.
Kaszëbów mieszkającëch w Stôłpskù je le czilenôsce tësąców
a kaszëbsczi sztudérzë z Pòmòrsczi Akademiji Szkólnëch zwikszają
baro nã lëczbã. Kaszëbsczi tradicëje tegò gardu są ùtrzëmiwóné
midzë jinszima przez kaszëbsczé zéńdzenia jak Kaszëbsczi Jôrmark,
Tardżi Grifitów, téż przez lëdzy skòscérzonëch w Parce ZK-P
ë Karnie Sztudérów Kaszëbów „Tatczëzna”. W nym gardze òd dłëgszégò
czasu je widzec „kaszëbienié sã” Pòlôchów jaczé mają sã tuwò
przecygłé z jinszëch strón a je to zjawiszcze baro stôré ë
nôtëralné na kòżdi zemie. Nen procés zmòcniwają kaszëbsczé
msze w kòscele sw. Jacka, dwa programë kaszëbsczi w redio
Kòszalëno ë ùczba kaszëbiznë ë kaszëbsczi kùlturë w czilu
szkòłach. Wôżny je téż ùdzél nëch szkòłów w òglowòkaszëbsczich
pòdjimstwach jak na przëmiôr Kònkùrs Wiédzë ò Pòmòrzim dlô
ùczniów strzédnëch szkòłów ë dżimnazëjów.
Jednym ze starszëch dzélów gardu je zómk pòmòrsczich ksążãt,
jaczi przëbôcziwô stôłpsczónóm jich kaszëbską rózgã ë òdwieczné
przënôleganié jejich zemi do Wialdżi Kaszëbsczi.
pk
|
Sląsk w parlamence |
Neli Mes (Nelly Maes), przédnik europejsczich „zelonëch”
(Europejsczi Wòlny Zrzeszë), partu europejsczégò parlamentu
trafił sã z przedstôwcama Sląska. W pòłwie strëmiannika w
Brukselë gòscama bëlë le blós przedstôwcë samòrządzënë. Przédnik
miôł rzekłé midzë jinszima: „bëlnô reprezentacëjô historicznëch
môłëch nôrodów, òbéńdów ë lëdzy w zjednóny Europie je spòdlim
demòkracëje. Móm nôdzejã przëwitac wicy przedstôwców historicznëch
môłëch nôrodów ë òbéńdów Europë pò wëlowanim do europejsczégò
parlamentu w czerwińcu 2004.”
ps/tavp/gw
|
Stowôra Rémùs |
Zakładłô w gromicznikù 2003. tzw. „szorëmòwô stowôra” jakô
mô kòòrdinowac dzejanié kaszëbsczich młodzëznowëch ë sztudérsczich
òrganizacëjów, karnów ë jinszëch jindiwidualnëch pòdjimiznów.
Prócz projektu ë wëstôwka „Òdjimkòwé ùdokùmentowienié tradicëjny
kaszëbsczi bùdowiznë, ùdbô so téż jinszé projektë jak na przëmiôr
jinternétowi słowôrz kaszëbskò-anielskò-pòlsczi, wëmiónë kaszëbsczich
sztudérów ze sztudérama z Czech, Daniji ë jinszëch krajów,
òrganizowanié zéńdzéń namienionëch kaszëbiznie.
|
Pòd médialnym znakã Òdrodë |
Kalãdôrz kòncertów „Pierszi Kaszëbsczi Pasëje”
w 2003. rokù
30.03. 2003. gòdz. 16.00, Lëzëno, kòscół parafije Sw. Wawrzińca,
ùl. Kòscelnô 4
6.04.2003. gòdz. 15.00, Puck- kòscół parafije Sw. Apòstołów
Piotra ë Pawła, ul. Judicczégò 4
12.04.2003. gòdz. 17.00, Wejrowò, kòscół parafije Sw. Trójcy,
ùl. Koscuszczi 2
13.04.2003. gòdz. 18.00, Gdańsk Wësokô, kaplëca parafije Sw.
Polikarpa, ùl. Wòdnika
18.04.2003. gòdz. 16.00, Żukowò, kòscół parafije Bòżégò Miłoserdzô,
ùl. Faustinë
27.04.2003. gòdz. 16.00, Lëniô, kòscół parafije Nôswiãtszégò
Sërca Pana Jezësa, ùl. Turisticznô 2
3.05.2003. gòdz. 16.00, Réda, kòscół parafije Wniebòwzãcô
Nôswiãtszi Marije Pannë, ùl. Gdunskô 3
4.04.2003. gòdz. 16.00, Parchowò, kòscół parafije Sw. Mikołaja
Biskùpa, ùl. Kòscelnô 8
zaczątk
|
|
Na Jinternece nigdë ni môsz
wszëtczégò…
żebë miec wiedno całą Òdrodã, wiedno na czas – òbacz tuwò
Mòżesz nas wspòmòc w wëdôwanim abò kòlpòrtażu?Napiszë do naju! |
|
|