Esczimòsowie żëją na òkòlach Eurazëji ë nordowi Americzi.
W całim swiece żëje kòl 110 tësąców Esczimòsów. Z antropòlogòwégò
pòzdrzatkù Eskimòsë przënôlegają żôłti rase. Òdwôżô arktikòwi
ôrt, jaczégò znanczi są môłi rost, òliwkòwożôłtô farwa skórë,
cemné ë prosté włosë ë wëcygniãti czërzep.Eskimòsë gôdają
jãzëkama esczimòsczima. Baro pózno „nawléklë łączbã” z cywilizacëją.
Na przëmiôr Eskimosowie nad rzéką Kòpermajn (Coppermine),
na zôpadno-nordowim dzélu Kanadë mają nawléklé łączbã dopierkù
w drëdżi pòłowié 18. st., a na pôłniowim jesz pózni ‑ w 20
st.Mieszkeńcë dzélą rok na piãc cządów: zëmã, môłą zëmã, zymk,
lato ë wczasną zëmã. W zëmòwim cządze słuńce chòwô sã na pôrã
miesąców, a w lato przëchôdô nazôd. W żëcym Esczimòsów są
dwie zortë cządów rokù. Pierwszi ‑ baro aktiwny wespòlëznie
ë je to zëmòwi dzél. W drëdżim – w lato ‑ dżinie kùlturowé
żëcé. W lato Esczimòsowie mùszą miec dbã ò żëwnotã na całi
rok. Są téż bëlno zòrganizowóny. Rzeszą sã we wikszé familije
czë plemia ë jachtëją na karibù ë fòczi. Ne są spòdlową jôdą.
W cządze môłi zëmë Esczimòsowie przeprowôdzają hańdlowé transakcëje;
wëmieniwaają miãso, lësą skórkã. Za to zwëskają barnią ë mùnicëją.
Òkòma handlowi transakcëji dochôdô do dëchòwi wëmianë. Mùzyka
mô wialdżé znaczenié dlô Esczimòsów, temù że òb pół rokù òni
żëją w rozparce. W tim cządze Esczimòsowie spòtikają sã w
„dodómie tuńca”. Esczimòsë wierzą, że czej bë handlowé wëmianë
bëłë przeprowôdzóné bùten, to złi dëch bë mògł jemù ùkrasc
całi zôróbk. Esczimòsowie òblékają sã w jich nôlepszi strój:
mańtel ë mùcë ze skórë karibù. Czej òni zatuńcëją, sôdają
w krãgù. Pòtim jeden Esczimòs wstôwô ë wëbiérô z krãgù òsobã,
do jaczi adresëje gwësną piesnią. Pò zaspiéwanim, nen drëdżi
mùszi zrobic rewanżã jinszą piesnią. Dzãka taczim wëmiónkóm
mùzyczi repertuar baro chùtkò rozkòscérzô sã.Mùzyka Esczimòsów
je mòcno zrzeszonô z czarzenim. Madżijô mô dac bokadny ùłów
ë dobrą jachta. Esczimòsowie spiéwają téż òb czas ùroczëznë:
kùltu ë òbrzãdów. Piesnie zrzeszoné z madżiją są tuńcowny.
Tuńcarze są przede wszëtczim chłopi, a òb nen czas babë towôrzą
jima spiéwanim w chùrze. Czéj ny spiéwają, mùzykantowie grają
na bãbnach ë klekòtkach.
Parłãczną céchą Eskimòsów ë Kaszëbów je spiéwanie piesniów
ò wszelejaczi témiznie òb czas robotë. A to – jak je wiedzec
‑ mô baro czarzny pòdtekst.
A. Bradtke
Za miesąc dowiémë są jakô muzyka je kòle Abòrigenów (Australijô).
zaczątk
|