6. maja mia môl w najim stolëcznym gardze Gduńskù drëgô ju promocëjô (piérwszô bëła òdprawiona w łzëkwiace w sopòcczi rednicë) nônowszégò dokazu prof. J. Bòrzëszkòwsczégò, żëcopisu ùtwórcë terôczasny kaszëbsczi rësznotë zatitlowanégò: „Aleksander Majkowski (1876 - 1938). Biografia historyczna” (Aleksander Majkòwsczi (1876 - 1938). Dzejowô biografiô).
Wnet sto lëdzy przëtomnëch w mieszczónsczi zalë gduńsczi rednicë Stôrégò Gardu wësłëcha laudacëji prof. Jerzégò Sampa, jaczi midzë jinima przëbôcził zapisóny we wstãpie do ksãżczi wëjimk, że dlô niechtërnëch pisanié biografijów ni mô niżódnégò szëkù, bò je to ùrôbianié bëtów lepszëch òd jinszich, robienié z historëji biologòwi ruletczi. [...]

Niedôwno redny kartësczégò pòwiatu rozsądzëlë, że nôdpisë w krézu mdą dwajãzëkòwé: kaszëbsczé ë pòlsczé. Kartuzë są téj pierszim krézã w jaczim òsta to zrobioné cawnotowò. Donądka kaszëbsczi nôdpisë są na greńcach krézów pùcczégò ë wejrowsczégò. Szasëje są znakòwówé pò kaszëbskù téż m.jn. w Jastarni, Miechùcënie, Mirochòwie, Òstrzëcach. [...]

Żebë Twòje dzeckò mògło ùczëc sã rodny mòwë we szkòle !

• We spòdlëczny szkòle ë dżimnazëji sygnie 7 taczich pòdaniów (.pdf ) , żebë direchtora szkłołë miôł òbrzészk zrobic ùczbã kaszëbiznë.

• We strzédny szkòle - mùszi to bëc 14 ùczniów.

• Ni mòże òn wzyc za to òd Ce niżódnégò dëtka - wszëtczi dëtczi na szkòłowiznã dostónie òd Gminë.

Czëtôj tëż na starnie :
http://www.kaszubi.pl/05eduk/05eduk.html

24. łżëkwiata w Radibòrze (kréz Bùdiszëno) bëła ataka neònazystów na łużëcką młodzëznã, jakô pilowa drewno na tradicëjny swiãto ë festin „pôlenié czarowniców“. Pùznym wieczorã kòle 30 Miemców w 6 autach przëjacha, zadzéwiającë biôtkã, cëskającë łôwkama. W biôtce 4 młodëch Łużëczanów òsta zrenionëch. Jeden òsmënôstolatny òstôł òdwiozłi do szpëtla. Wedle napadłëch całô ataka bëła krótszô jak 10 minut, ë ni sygło czasu, żebë wòłac pòmòc. Dzãka temù, że jeden z napadłëch pamiãtôł redżistracëjny tôfle jednégò z autów neònazystów, ju ti sami nocë 4 òstelë schwôtóny.
W rediowim wëwiadze młodi Łużëczanie mielë rzekłé, że znają nëch lëdzy. Bëlë to lózno zrzeszony lëdze z òrganizacëją „Òstatné dzecë Hitlera“. Pòchôdają òkòlégò. Donądka nie bëlë znóny pòlicëji.

gw, pk

W niedzelã 27. łżëkwiata w Sopòce òdbëła sã wialgô demònstracëjô pòpiérającô weńcé do Europejsczi Ùnije. Wëstrzód tësąców lëdzy bëło widzec fanë europejsczé ë kaszëbsczé. Westrzód wielu lëdzy wôżnëch dlô najégò kraju béł midzë jinszima przédnik Kaszëbskò-Pòmòrsczégò Zrzeszeniô prof. Bruno Synak. [...]

zaczątk