Ju piąti rôz, 13. lëpica, më sã trafilë na corocznym Zjazdze Kaszëbów. Tim razã we Słëpskù. Przëtomnëch bëło jaż 4 tësące lëdzy, co nawetka zaskòczëło òrganizatorów ze słëpsczégò Ùrzãdu Gardu. Latos òdbëła sã tradicëjnô bana Transcassubia – Bana Jednotë, jakô pòjacha z Pùcka, przez Rédã, Wejrowò ë Lãbórg. Kaszëbi z jinszich strón dojachelë autobùsama.

Zjôzd béł zòrganizowóny w trzech dzélach: głównô bina bëła na placu pòd słëpską rednicą, òkóm òdbiwôł sã kaszëbsczi tôrg na zómkù Grifitów a drëgô bina bëła ùstôwionô w Ùszczu, czilenôsce czilométrów na nordã leżącym kùrorce.
Przez całi dzéń grałë lëdowé karna, dopiérzë wieczór wëstãpiłë karna grającé nié lëdowiznã. Bëłë to Kùtin ë Kòmpanijô Wãdzëbôków. Karno Chëcz, nôstarszé kaszëbsczé rokòwé karno, latos nie zagra.
We Słëpskù je kòle 10% Kaszëbów. – Wôżnô je jintegracëjô z resztą Kaszëbów ë Pòmòrzégò. Kaszëbi są solą ti zemi ë nawetka lëdze, co ni mają swòji rózdżi tuwò ë mają przëjachóné do najégò gardu pò wòjnie, pòmali zaczinają ùjuwerniac sã z kaszëbizną – gôdelë òrganizatorzë.

ps

zaczątk