R. Drzéżdżón
Éwa
Éwa sedzala w widny jizbie na różewi zófie. Zdrzala na swòjã
nënkã mëszlącë, cëż na jesz „mądrégò” rzecze. Stopiãcesąt
lat temù nënka Éwë òżenila sã sódmi rôz, co bëlo normą, a
zamieszkala na planéce Antipa w galaktice BP456. Nie bëlo
to za dalek, cos tak kòl trzësta widnëch lat drodżi, le kòntaktë
midzë bialkama bëlë baro rzôdczé.
Éwa nie bëla ze swòją nënką zrzeszonô jakąs wikszą miloscą
rodzynną. Na dala ji z se blós dzél swòjégò DNA, dlôte Éwa
wiedno gôdala, że tak pò prôwdze òstala stwòrzonô w labòratoriji,
a ni zrodzonô z nënczi. Móżno rzec że pòwstala do żëcégò w
wekù, prawie jak jaczisz zwiérz, geneticzno dostosowóny dlô
lëdzczich fimlów. Nie bëlo to nick dzywnégò, w tëch czasach
wszëtcë tak robilë, ne móże òkróm Dôwnëch, le ti z wlôsny
przëczënë bëlë w jinszim cządze w rozwiju lëdzczégò rodë.
Docz sã bëlo mãczëc dzewiãc miesãcy z noszenim dzecka, rodzenim
a z chòwanim? Wëgòdni bëlo dac próbkã krwie, skórë, wlosów
czë jinszégò dzéla cala do jinstitutë, a za môli rok dostôwalo
sã nazôd geneticzno bëlné dzeckò, pózni chòwóné przez nôlepszëch
szkólnëch w calim swiece.
Éwa ze swòjim chlopã Jadamã zdecydowelë sã równak w jinszi
spòsób miec dzeckò. Wszëtcë wkól stukalë sã w glowë. Téż nënka
Éwë bëla tim baro zdzywionô. Wëchôdô na to, że wiadlo ò tim
bëlo nôwôżniészą przëczëną ji dzysdniowi wizytë.
– Kim òn bdze? Òbmëslëlë wë to richtisz? – zapëtala sã nënka.
„To je jô wiedzala, że òna sã ó to bdze mia cos” – pòmëslela
Éwa.
– Më mù delë nôwicy geneticzny wiédzë – òdrzekla na pëtanié.
– Ne, tak to jo… Na wiédzô bdze wiedno pòtrzébnô, jak swiat
swiatã… Le problem je z tim, jak zalatwic rządowi przidzôl?
Jakùż wë tò zrobilë? – dzywila sã, mając w pamiãce jiwer z
zalatwieniém dosc dobrégò materialë na swòjégò sënã. Kùliż
to bëlo bieganiô, zalatwianiô a kùliż dëtków do placeniô tuwò
a tam…
– Jakòs to sã dalo zalatwic. Jadam miôl jinteresë z jednym
asystentã minystra geneticzi… czë jakòs tam. Jô sã za wiele
tim nie jinteresowala.
– A co dzeckò bdze mialo z niegò – nënka pòkazala pôlcã wirtualną
sztaturã chlopa Éwë, chtërnô krącëla sã pòmalinkù nad westrzódkã
stolë.
Nënka Éwë nie lëdala Jadama. Wiedno gôdala, że òn nie je dlô
ji córczi. Pòchòdôl doch z Dôwnëch, nëch chtërny mieszkalë
na Zemi, a żëlë jak ùpartilcowie jak lëdze w dwadzestimpierszim
czë drëdżim stalatim. Jak dzewé zwiérzãta! Bez niżódny geneticzny
òchronë. Òn co prôwdã bél jinszi, le Dôwny wiedno bdze Dôwnym.
A jesz do tego ta jegò wiédzô – zwëczi a wiérzenia Dôwnëch
w cządze dwadzestégòpiérszégò stalatégò… Cëż to je?
– Òd niegò… Ne, jakbë to rzec… Ë taczé tam… – Éwa zaczãla
robic sã czerwionô na gãbie. – Le sã nënkò nie smiôj… Më tak
so ùmëszlëlë, żebë òn tak kąsk jinteresowôl sã religią, Bògã
a tëma sprawama… Jak jegò tatk.
– Religią? A docz jemù to bdze nót? Czë të jes czësto chlaslô?
Cëż nen knôp bdze miôl z taczima mëszlama w glowie za żëcé?
– nënka zaczãla szkalowac w niebòglosë.
– Je to zarô wiedzala, że të tak rzeczesz. Le jô mëszlã, że
jemù to czedësz bdze w żëcym nót… Doch gôdają, że… kùńc je
blëskò.
– Cëż gôdają? Jes të córka glupô!? Ò tim kùńcu swiata to doch
są blós bajczi wëmëszloné przez nëch proroków, co lażą ze
swiata w swiat, a pleszczą ò kùńcu kòsmòsë. Doch tak cos ni
móże sã stac. Të doch dobrze wiész, że më mómë tëli swiatów,
kùli le chcemë miec. Kùńca swiata ni móże bëc! To je fizyczno
niemòżebné.
– Jô to wszëtkò wiém, le jakbë co…
– Ne dobra, niech ce bdze „jakbë co”, le to je glëpòta, żebë
taczé mëszlë ladowac knôpiczkòwi w glowã. Lepi trzéba bëlo
mù cosz dodac z nôuczi widë, czë nôuczi plazmë. To je wôżniészé!
A… – nënka machnãla rãką – ni ma co gadac.
– Mëszlã, że je ju pò wszëtczim – rzekla Éwa chcącô skùńczëc
ną gôdkã. – Më sã mielë tak kòl trzecy dowiadowac jak pòszlo.
Éwa rozkazala kòmpùtrowi pòlączëc sã z jinstitutã. Na ékranie
pòkôzala sã bialka w biôlim czitlu.
– Ach, witóm – gróska òdrazã pòznala Éwã, ne cëż taczich dzywnëch
lëdzy sã nie zabiwô. – Zarôzkã pòlączã z pòrodową jizbą.
Zamigòtalo na ékranie kòmpùtra, a pò sztóce bialczi ùzdrzelë
usmióną gãbã Jadama ë dôl sã czëc jegò, kąsk zmachrowóny,
le redosny a bùszny glos:
– Wszëtkò je dobrze. Pòszlo tak jak bëlo zaprogramòwóné. Móm
jô zdrowégò knôpiczka ùrodzoné…
Jadam
Czej tësące, abò nawetkã milónë lat minãlë, a móże bëlo to
bez czasë, zstąpil Bóg na zemiã.
Zstąpil drëdżi rôz.
Pierwszim razã bél przë stwòrzenim nieba a zemi, lãdë a mòrzégò,
drzéwiãt a zwiérzãt, Swiata a Wszechswiata.
Szesc dniów zajãla jemù wtenczas robòta nad sklôdanim, richtich
do grëpë, ti ùklôdónczi stwòrzeniô.
Zacząl gwësno òd mëszlë. Le czë blós na mëszl mù sygla? Òn
jeden to pò prôwdze wié. Nie je téż wiedzec, czë téż na robòta
nie bëla dlô niegò za cãżkô. Móże jo, móże nié, le nôwôżniészé
je to, że sódmégò dnia zamëslôl sã Bóg nad stwòrzenim swòjim.
Wëzdrzôl wkól, zasmiôl sã glosã wiôldżim a redosnym, ë rzëcyl
w Swiat môlinczé zôrenka pòùklôdónëch z sensã cząstków żëcégò,
zaczinając tim prôwdzëwé żëcé.
A ósmégò dnia skril sã Bóg do mieszkaniô swòjégò, tak abë
żëjącé dësze mòglë jegò szëkac. Gdzeż bél nen krajemny môl
mieszkaniégò Bòga? Nie widzôl tegò nicht, chòc czasã zdôwalo
sã filozófóm, że je nen dodóm niedalek.
Tak jak bëlo na zôczątkù, zstąpil Bóg na zemiã drëdżi rôz.
Sôdl so na trónie z kama zrobionégò, a wezwôl do se negò,
chtërnégò nazwôl kòróną stwòrzeniégò. A miono jegò nadóné
przez swiat bëlo Jadam, co znaczi król swiata.
– Ne jakùż tam kòl ce? – spitôl sã Bóg Jadama.
– Tak jak przódë – òdrzekl chlop. – Jak za Bòga Òjca.
– Co znaczi: „Jak za Bòga Òjca?” – zamëslôl sã Bóg nad òdpòwiescą
Jadama.
– To znaczi, jak za Twòją mëszlą Bòżą – Jadam stôl przed trónã
czësto nadżi.
– Jo, jo – rzekl Bóg, a pòkrącyl glową, zdrząc na stwòrzony
przez se Swiat. – Gôdôsz, jak za mòją mëszlą, jo?
– Jo! Tak gôdajã.
– Te rzeczë mie, czemùż rëba skôczë jak trus pò zemi? Czemùż
trus pliwô jak rëba w wòdze? Rzeczë mie czemùż slóń lôtô pòd
blónama jak bòcón, a bòcón chòdzy jak sloń a żre trôwã? Rzeczë
mie czemùż ksãżëc jidze drogą sluńca, a sluńce jidze drogą
ksãżëca? Rzeczë czemùż cemeńt sygô nieba, a żelôzo lôtô wkól
gwiôzd miast pôlëc sã wiecznym w nich widã? Czemùż Të Jadamie
jes w jedny pòstacëji? Czemùż Të nie jes dwòjaczi, jak bëlo
rzeklé na zôczątkù? Gdze je Éwa, na Twòjé żëczbë z Ce pòwstalô?
Czemùż Të sã w jedno nazôd stopil? A na kùńc rzeczë mie, bò
to je dló miã nôwikszą wëzgódką, czemùż Jadamie môsz dwa lbë?
Rzeczë mie, czë tak mialo bëc „za Bòga Òjca”?
– Nie wiém Panie mój – Jadam stojôl przed Bògã wzérając w
twôrz jegò proszącym zdrokã. Żdôl ze strachã nó to co mù rzecze
Bóg.
Le Bóg nick nie rzekl. Sedzôl zamëszlony wzérając w pòmieszóné
gwiôzdë Wszechswiata.
Ë sedzôl tak szesc dniów mëszląc nad ùklôdónką Wszechswiata.
Sódmégò dnia, ùsmióny w mëszlë, tchną dëcha swòjégò w nową
mësl stwòrzeniô…
zaczątk
|