Zajinteresowanié Kaszëbama wcyg rosce a
nie ma wątplëwòtë, że w dzysészich czasach przëstãp do jinfòrmacëjów
ò Kaszëbach ë kaszëbsczim jãzëkù je téż corôz wikszi.
Kaszëbskô téma je corôz barżi pòpùlarnô w médiach. Prócz
médiów tradicëjnëch – redia czë telewizëje, dzysô mómë tzw.
média elektroniczné, tj. Jinternét. Przez niegò ò Kaszëbach
je mòżno dowiedzec sã ju wnetka wszëtkò. Na słowò "Kaszëbë”,
"Kaszuby”, "Cashubia” zjôwiają sã wielné starnë
WWW ò kaszëbsczi témiznie. Wôrt bôczeniô są jinternétowé starnë,
jaczé mają katalóg kaszëbsczich starnów. Taczé są przede wszëtczim
na www.kaszubia.com,
www.kaszubi.pl
(Kaszëbskò-Pòmòrsczé Zrzeszenié), dze mòże nalézc adresë do
jinszich wôżnëch kaszëbsczich serwisów WWW. Na nëch starnach
je mòżno pòznac historiją ë geògrafiją Kaszëbów, bòkadną domôcëną
kùlturã ë wszelejaczé zwëczi Kaszëbów, a téż òbeznac sã z
wiôldżim wanożnym zamòdlënkã ti òbéńdë.
Ò tim, że Kaszëbë to widzałé ë apartno malowné môle, wié kòżden,
chto chòcbë rôz béł tuwò. Je mòżno sã ò tim przekònac òbzérającë
òdjimczi na Jinternéce, dze na starnie "Kaszuby
– foto klimaty” (Kaszëbë – òdjimkòwô klima) Jerzi Waskò
przërëchtowôł òdjimkòwi repòrtôż spòsobnëch môlów na Kaszëbach.
To je gwësné, że jãzëk kaszëbsczi ùmòcniwô swòje stanowiszcze
we spòlëznie przez ùczbã we szkòłach, czë òd niedôwna téż
na Gduńsczim Ùniewrsytece. Òd czile lat téż na Jinternéce.
Spòdlów kaszëbsczégò jãzëka je mòżno sã nôuczëc ë przez Jinternét.
Na starnie zk-p .pl
mòże nalézc "Mini rozmówczi kaszëbsczé – Mòje pierszé
słowa”. Na ti prawie starnie mòże téż przeczëtac pò pòlskù
ë pò kaszëbskù ò pòwstanim, historiji ë charakterze kaszëbiznë.
Co je wôżné ë wôrt je dodac, òd jaczégòs czasu w Jinternéce
przëstãpnô je kaszëbskô pismienizna w apartnym wëdôwkù. We
Wirtualny Biblotéce Pòlsczi Pismieniznë, jaką stwòrził w 2001
rokù dr Mark Adamiec ze Gduńska, je wsadzony dokôz A. Majkòwsczégò
"Żëcé
ë przigòdë Rémùsa” pò kaszëbskù a téż biografijô ji autora.
Tuwò mòże téż pòsłëchac ùriwków ti pòwiescë, jaczé czëtô Zbigniéw
Jankòwsczi.
Jak je widzec zdrojów jinfòrmacëjów ò Kaszëbach ë kaszëbiznie
je corôz wicy a wszëtczich zajinteresowónëch rôczimë na jinternétową
wanogã.
A. Dradrach
Kaszëbsczi standart na Jinternéce
Kaszëbsczim standartã kòdowaniégò lëtrów je UTF-8,
czej sã robi jinternétową starnã mùszi gò ùżëwac, żebë na
wszeldżich kòmpùtrach kaszëbsczé lëtrë bëło richtich widzec.
Jeżlë ùżëjemë jinszich standartów, tej le blós na niechtërnëch
kòmpùtrach, przezérnikach czë systamach lëtrë mdą wezdrzałë
jak je nót. Szczegłë naléze na starnie www.kaszubia.com.
Kaszëbsczi jinternétowi przezérnik
"Kasz-meleón" jak szpòrtowno
na niegò gôdają kòmpùterowcë je kaszëbską wersëją programù
K-meleon – przezérnika lepszégò òd na przëmiôr Internet Explorera
Microsofta, bò nen prawie stosëje sã do wszëtczich standartów
w3.org.
Kaszëbsczi K-meleon pòwstôł w
2002. rokù. Je darmôk do scygnieniô z
www.kaszubia.com/k-meleon/ (arch.) .
zaczątk |
