Szwajcarsczi ôrt wielonôrodnégò kraju
Szwajcarskô
je òsoblëwim przëmiarã wielonôrodné ë wielojãzëkòwi
wëspòlëznë, jakô, że nie dzeli na "wikszëznă”
ë "miészëznă” a téż "wikszoscowi, kònstitucyjny
nôród” ë "nôrodną miészëznã”.Wstãp do Kònstitucëje
Szwajcarsczi Kònfederacëje, prôwdac, w pierszim zdanim
rzecze ò "jednoce, dôdze ë érze szwajcarsczégò
nôrodu”, a artikel 1. pòdsztrichiwô, że "to dô
nôrodë 23 samòbëtnëch kantonów zrzeszoné tutą zrzeszą”.
W Kònstitucëji je mòżno trafic kategòriją
"nôrodné jãzëczi”. Równak szwajcarsczi znajarze
kònstitucyjnégò prawa są taczi dbë, że "Szwajcarskô
z definicëje, je krajã ‘anacjonalnym’, bò to
nie dô niżódny kùlturowi, jãzëkòwi, krëwią
czë rózgą dóny òd stalat szwajcarsczi nôrodnoscë”.
Czej sã równak gôdô ò "nôrodach kantonów”,
chòdzy ò lud, mieszkeńców, a nié ò nôrodë
w kantonach.
Wespòlëzna kantonów przez stalatë bëła bùdowónô
przede wszëtczim z òbiwatelów trzech eùropejsczich
nôrodów, jaczé doch mają swòje kraje: Miemców, Francuzów
czë Jitalczików. Wespòlëzna Szwajcarskô, fòrmalno
kònfederacëjô, a pò prôwdze federacëjô, da radã
twòrzenim gwôsny juwernotë fakticzno wëmazac w głowach
swòjich òbiwatelów przenôleżnosc do nëch nôrodów
ë stwòrzëc wëspòlëznã procëm rozéńdóm
w jãzëkù, kùlturze a nawetka wiarze!
Zgrôwă Kònfederacëje je, wedle Kònstitucëje
"zagwësnic samòbëtnosc kraju òd bùtna,
ùtrzëmac bënowi pòrządk ë mir, barnic pòjudżi
ë prawa òbiwatelów Kònfederacëje ë zwikszac
jejich bòkadnosc”. Chòc je krajã sztërzëch
etnicznëch karnów – Miemców, Francëzów, Jitalijanów ë Retorómanów
– nigdze w Kònstitucëji, jak czãsto w wielonôrodowëch
krajach, nick nie je rzekłé ò òchronie nôrodny
juwernotë, tradicëje, kùlturë, bò na òchrona
wëchôdô z federacëjnégò ùstawieniégò
kraju, a téż z szeroczi autonomijë, jaką mają gminë ë kantonë.
Za nôrodné jãzëczi Szwajcarsczi Kònstitucëjô
mô wszëtczé sztërë. Za jãzëczi ùrzãdowé
– le blós trzë. Pòmijô retorómańsczi, jaczi je ùrzãdowi
le na rówiznie kantonów.
Wszëtczé trzë ùrządowé jãzëczi są równé, chòc
ùżiwóné le w òrganach federacëji. Kantonë mają
swòje gwôsné regùlacëje ň ùżiwanim jãzëków
ë ne dzejają nawetka, czej władze kantonu dzejają w miono
prawa federalnégò. Ùrzădowëch jãzëków
sã ùżiwô le w łączbie òbiwatela z państwòwą
adminystracëją.
Spòdlëczną reglą kònstitucëje Szwajcarsczi je,
że Kònstitucëjô regùlëje kòmpetencëje
federacëje, a jinszé kòmpetencëje słëchają kantonóm,
abò gminóm. Artikel 3 Kònstitucëje rzecze, że
"kantonë mają samòbëtu tëli, kùli jejich
samòbët nie je ògreńczony kònstitucëją
federacëje; ùjawerniają tej wszëtczé òbrzeszczi,
jaczé nie słëchają zrzeszony władzë”.
Dosebno jak w Szpańsce, Kònstitucëjô Szwajcarsczi téż
nie regùlëje ùstawieniégò władzów kantonów,
bò ne władze òstałë stwòrzoné przódzy
jak federacëjô. Téż temù, że jinszé bëłë dzeje pòwstôwaniégò
nëch władzów ë jinszé ôrtë òrganizacëje kantonów.
D. W. Pazdzersczi
zaczątk |