|
Plata Rëbôczczi Dãté Òrczestrë |
W lëstopadnikù, na 30 roczëznã przëznaniô gardowëch prôw
Jastarni, Stowôra Drëchów Jastarnie (Stowarzyszenie Przyjaciół
Jastarni) wëda platã CD z tradicëjowima dokazama Rëbôczczi
Dãté Òrczestrë. Jastarnickô òrkestra pòwsta jesz przed 1.
swiatową wòjną i wiedno twòrzëlë ją prosti rëbôcë, chtërny
na kùpionëch we Gduńskù trąbach, bãbnach i pùzonach gralë...
bez nót! Z czasã doszło do tegò, że bez ti òrkestrë Jastarnicë
nie wëòbrażëwalë so niżódny swòji wiãkszy ùroczëznë. Dzysô
Rëbôckô Dãtô Òrkestra to 8 mùzikańtów. Na place je nagrónych
16 dokazów, m.jn. 7 marszów, 3 walce i dwie wiązanczi melodijów.
Òkróm Jastarnie plata je do zamówieniô w Wëdôwiznie REGION
(telefoniczno 058/629-59-47 abò jinternetowò: jerk@wydawnictworegion.pl)
i kòsztô 28 zł.
je |
W 25. roczëznã pòntifikatu Jana Pawła Drëdżégò
|
Pòdług
ùdbë żôrgaczów pòcztowëch marków zrzeszonëch w Klubie Swiãtégò
Gabriela, dzejającym przë Pòlsczim Filatelisticznim Związkù
(rzeszą nôleżników żôrgającëch pòcztowé marczi ò religijny
tematice), 16. rujana nr. w Pòwiatowim Starostwie w Pùckù
wëchôdającé ùrzãdowé pismiona bëłë frankòwóné ekstra zrëchtowóną
nôdkładką na frankaturã, z żëczbama dlô Papiéża z leżnoscë
Jegò Pòntifikatu. Nôdkładka zrëchtowónô òsta w kaszëbsczim
jãzëkù. Je to pierszô w Pòlsczi, a drëgô w Eùropie nôdkładka
napisónô w jãzëkù nôrôdnëch miészosców.
Pioter Cyskòwsczi |
Téatralnô biesada |
W pòdbëtowsczi wsë Parchòwo òdbëła sã 10, jëbleùszowô
téatralnô biesada. Na latosą jimprezã jak wiedno przëszło
wiele zainteresówonëch słëchińców z Kaszëbów i z zagreńcë
a téż artistów z rozmajitëch môlów swiata, midzë jinszima
z Japonije. Biesada òdemkło karno Mòdrôczi, chùr Cassubia
Cantat z Parchòwa ë cëgańsczé karno "Kałe bała"
z Czôrny Górë (kréz Bukòwina). Òb czas 3 dniów mòżno bëło
posłëchac celticczi ë słowiańsczi lëdowi mùzyczi, òbezdrzec
téater ò rozmajiti temiznie, dze przédnym mòtiwã bëła problematika
egzëstencëji bëcô lëdzczégò na zemi. Pòza mùzyką ë téatrã
òdbëła sã seminarëjô na témã wielokulturòwoscë w téatrze ë
warkowniô, w chtërny mòglë wzyc bëtnictwò zaczekawiony. Latosô
biesada téatralnô jak te wczasniészé nigdë bë sã nie òdbëła
czejbë nie deja ji jinicjatora Jarosława Szroedra, chtëren
ju òd 10 lat mô starã ò to cobë dawac nama wiele niezabôczné
doznania ë wspòminczi.
R. Sobisz
|
Promocëjô w Rëmi |
Nie je dôwno, jak na rënkù ukôzôł sã òstatny dokôz, co mô
pòmóc w rozszerziwanim ë ùczbie kaszëbsczégò jãzëka. Je to „Twój
pierszi słowôrz”, chtërnégò autorama są Katarzëna Kwiatkòwskô
ë Witołd Bòbrowsczi. Znòné są òni ju nama jakno twórcowie „Kaszëbsczégò
Abecadła”. We wtórk, 21 rujana latoségò rokù przejachalë òni
do Rëmi, dze w sedzbie Miésczégò Dodomù Kùlturë òdbëła sã promocejô
„Twòjegò pierszégò słowôrza”. Gòsce, co przëszle, miele leżnosc
pòsłëchac perznã ò tim, jak doszło do wëdanigò donëchczasnëch
dokazów Bòbrowsczégò ë Kwiatkòwsczi. Katarzëna Kwiatkòwskô gôda
midze jinszima ò zéńdzenim z Donaldã Tuskã, chteren prawie miôł
ùdbã, żebë stwòrzëc kaszëbsczi elemeńtôrz, co doprowôdzało do
pózniszégò wëdaniô „Kaszëbsczégò Abecadła”. Abecadło òdniosło
zwënegã ë to zachãcëło jegò autorów żebë jic jesz sztëczk dali
ë zrëchtowac tim razã słowôrz. Nie je to pierszi słowôrz w dzejach
kaszëbsczi pismieniznë, je òn równak perznã jinszi jak kòżdi
jiny, zwëczajny słowôrz. Chòdzy tuwò przede wszëtczim ò wiôldżé
znaczenié, jaczé mają w nim céchùnczi. Słowôrz nen nie miôł
bëc blós prostim spisenkã słowów a miôł téż òbrôzkama zachãcëc
do czëtaniô.
Òb czas promocëji gòsce miele téż leżnosc lepi pòznac autorów
ksążczi a òsoblewie, perznã mni wierã znóną òd W. Bòbrowsczégò,
Katarzënã Kwiatkòwską. Rzekła òna, że kaszëbizna je cãżczim
jãzëkã ë że nie znaje gò na tëli dobrze, żebë w nim gôdac, ale
ju dosc teli rozmieje. Gôdka bëła téż perznã ò òglowi sytuacëji
kaszëbiznë. Wedle W. Bòbrowsczégò, czej jãzëk nen chce przedérchac,
muszi sã sztandarizowac (urównëwac). Pòdsztrëchnioné òstało
na zéńdzenim téż to, że dzãka taczima dokôzama, jak elemeńtôrz,
czë słowôrz, kaszëbizna corôz to barżi zmòcniwô swòje stanowiszcze
jakno apartny jãzëk.
Fòrmellów Słôwk
zaczątk
|
|
Na Pòmòrzim sã gôdô
Swiãtô Barbara patrónka żeglôrzów ë òd niespòdzójny smierce,
rëbôcë òglôdëwają ò bògaté wzątczi ôs proszą ò pòmòc w razu
zagrôżbë na mòrzu.
"Na Swiãtą Barbarã mróz,To na zëmã wóz"
"Na Swiãtą Barbarã miãtkò,szëkùj sanie
chùtkò"
|
|
|