Ò tim jak kret stracył òczë
Rôz, czedë kret miôł òczë i béł baro piãkny, razem z wiewiórką
skòkôł pò drzewach w lasu. Wiewiórka bëła baro zapòbieglëwò
i zbiéra so na zëmã òrzechë i sëszëła grzëbë i zakòpiwa to
w miechù w zemiã. Miała jednak krótką pamiãc. Nigdë nie wiedza,
gdze co zagrzeba.
Kret béł zgniłi jak twórz i nick nie zbiérôł na zëmã, ale
miôł za to baro dobrą pamiãc. W zëmie òn le chòdzył i to wëgrzebiwôł,
co wiewiórka sobie zebrała i tim so żëwił. Za karã rzekł Pón
Bóg do niegò:
– Nie bãdzesz miôł òczu, żebë të nie widzôł, gdze wiewiórka
swòje skarbë chòwie. Pò drzewach të wiãcy nie bãdzesz skòkôł,
le bãdzesz czãżkò rił w zemi i szëkôł sobie jedzenié.
przërëchtowôł G.J.Schramke
zaczątk
|