|
Kaszëbsczi wchôdô do ùrzãdów |
tekstë, kôrta ë wëwiadë – P. Bréza
6 stëcznika 2005 r òsta ùchwôlónô przez Sejm, 24 stëcznika
pòdpisóna przez Prezydenta, a òd maja wchòdô w żëcé „Ùstôw
ò nôrodnëch ë etnicznëch miészëznach a regionalnym jãzëkù”,
chtërny daje kaszëbsczi mòwie sztatus, ò jaczi sã biôtkowałë
generacëje kaszëbsczich dzejôrzów zaczinając òd Flóriana Cenôwë,
przez Aleksandra Majkòwsczégò, Aleksandra Labùdã ë Jana Trepczika,
jaż pò tereczasnëch dzejôrzów. Pò
dłudżich 14 latach robòtë Ùstôw òstôł kùreszce zrëchtowóny
w sztôłce, chtërny nadôwô kaszëbsczi mòwie sztatus regionalnégò
jãzëka, chtërny to jãzëk zgòdno z Ùstawą mô prawa, jaczé przënôlegają
jinszim jãzëkòm nôrodnëch ë etnicznëch miészëznów w Pòlsce.
Przez te 14 lat zmieniwałë sã projektë Ùstawù, zmieniwałë
sã téż môl ë prawa Kaszëbów, òd projektów daniô jima sztatusu
etniczny miészëznë jaż do taczich, w chtërnëch kaszëbsczi
lud bë nie béł na niżóden ôrt wëapartnióny ë niżódné prawa
bë nie bëłe nama zagwesnióné. Równak dzãka starze dzejôrzów
Kaszëbskò - Pòmòrsczégò Zrzeszeniégò, chtërny òb të wszëtczi
lata dozéralë rëchtowaniô Ùstawù ë mielë wiedną łączbã z pòsëlcama,
mómë Ùstôw, gdze prawa Kaszëbów do swòji mówë ë tradëcëji
są z mòce pòlsczégò prawa ùstawòwò zagwësnioné. Bëłë głosë
westrzód dzélã przedstôwców kaszëbsczi nôrodny resznotë, że
sztatus leno jãzëka regionalnégò to je za mało, że Kaszëbi
mùszelëbë bëc co le mało ùznôny za etniczną miészëznã, równak
prakticzno ni mô to wiôldzégò znaczeniégò, bò w codniowi dzejnoce
Kaszëbi mają wnet taczé samé prawa co jinsze nôrodné ë etniczné
miészëznë w Pòlsce ë terô leno òd naju zanôlegô, w jaczim
czerënkù pùdze kaszëbskó samòswiąda, czë dali w czerënkù całkòwiti
kùlturowi ë jãzëkòwi asimilacëji z pòlską wikszëzną, czë téż
Kaszëbi bãdą chcec zwënëgòwac nã ùstawòwą szansã ë òbarnic
swòją mòwã przed wëdżiniãcém...
Miészëznë w Pòlsce...
Co nama rzeklë w 10 gminach...?
...dalszi cyg w drëkòwôny Òdrodze.
zôczątk |
|
Żëczbë na wszeljaczé ùroczëznë
Żëczbë są z nama wiedno a wszãdze. Towarzëszą nam òd ùrodzeniô
jaż do smiercë. Bez żëczbów swiat béłbë wiele biédniészi.
Żëczą nam, abò më żëczimë kòmùs, zdrowégò, fùl taszë dëtka,
snôżi białczi, fòrsz chlopa itd. Żëczbë mògą bëc pòwôżné a
téż dosc szpòrtowné.
Kòl nas Kaszëbów je biéda z żëczbama. Abò żëczimë so: “Wszëtczégò
bëlnégò, zdrowégò ë eee…” abò z pòlska. Chcemë le pisac, a
składac so żëczbë barżi apartno, tak cosz jak niżi:
Tuwò zamieszcziwómë le jeden z przëmiôrów.Wicy mòżesz nalezc
w drëkòwôny Òdrodze.
Na wieselé
***
Tak to w żëcym, wejle, je
Że sã zéńdą dësze dwie
Tak przëtrôfkã sã pòtkają
Jak pò swiece nym nëkają
***
Wszëtczégò co nôlepszé na nowi drodze żëcégò żëczi(ą): |
|
|