Czédë zdrzã slôdë na naju rësznotã, je widzec trzë ji partë.
Part pierszi, chteren dérowôł pół wieku, to czas òdeckniãcô.
Bëło to w XIX wieku, czédë pisalë Ceynowa ë Derdowsczi. Lëdze
przódë nie wiedzele, chto òni są, gôdale: “Më jesmë stąd”. Tedë
nalôzł sa chtos, chto jima pòwiedzôł: Wa jesta Kaszëbi. Corôz
wicy lëdztwa rozmiało, że naj nôród żëje na całi pomòrsczi zemi.
Drëdżi part, to czas szëkaniô so môlu we swiece.
Bëlë Majkòwsczi ë zrzeszińcë, ti, chterny chcele nalezc môl
dlô Kaszëbów nie we skansenie le we codzennim żëcym. Ti chterny
zakłôdalë pismiona, organizacëje. Chterny nie leno pisalë
ò ùszłoce, le mielë starã ò twòrzenié kaszëbsczégò swiata.
Tedë më sã nôùczëlë spółdzejac. Terô nadchòdzy trzecy part
naju rësznotë, chternégò miono je òdroda. To je czas we chternym
mùszimë so mòcno i głosno pòwiedzec:
Nie bòjmë sã słowa „autonomijô”.
Jeżlë czëjącë słowo “autonomijô” mëszlisz ò terrorizmie,
to ni môsz prôwdë. Widzôł të terroristów na Krimie, w Bawarii
czë jinszëch landach miemiecczich czë we Szwajcarëji w kantónach?
A to są wszëtko autonomiczné òbéńdë, autonomiczné kraje.
Czë autonomijô to je cos złégo? Czë pòjuga to grzéch? Czë
je to grzéchã, że chcemë sami decë- dowac ò naju zemi? Czë
to je dzywné, że chcemë gadac pò kaszëbskù w sądze, ùrzãdach,
szkòłach?
Są tacy, co gôdają, że nama nie je nót tego. Wikszi bzdë
jô nie czuł. To je tak, jak jidącë do krómu, môsz taleńta,
i widzysz, że na zemi leżi jesz jeden. Wezniesz go czë òstawisz?
Òdpòwiédz Të, chteren terô czëtôsz, jak je lepi: miec jednégò
czë miec dwa? Ti, chterny gôdają, że nama nie je nót autonomiji,
chcą miec le jednégo. Jima sygnie. Le mie sã widzy, że możemë
wëcygnąc rakã i miec dwa.
Mómë ju czilë tëch taleńtów: pôra szkół, Zrzeszenié, pismiona,
audi-cëje w radio, Rodną zemia... Chce-më miec wiãcy? Mùszimë
le wë- cygnąc rãkã.
Òd dwùch lat jezdzy bana “Norda do pôłniô”- “Pôłnié do nordë”.
Ob zéńdzenié w Chòjnicach czë w Élu, lëdze so przëbôczëlë,
że rozmieją gadac po kaszëbskù, chòc wiele z nych codzéń nie
gôdają, lëdze przëbôczëlë so że jesmë jednim nôroda. Jô czuł
taczé głosë: “Tu sa nie gôdô pò pòlskù...”, “Jô nigdë nie
wiedzôł, że naju je tak wiele!”, czédë banowi pòwiedzôł cos
do lëdzy pò pòlskù, wszëtcë pòzdrzelë na niégò ze zdzëwienim,
chtos rzekł “A të nie rozmiesz gadac pò kaszëbskù? Przëbôczë
so dze të jes!”. Òdeckło sã czëcé naju jednotë! Mòżemë terô
jisc dali.
Cëż je nót terô?
Mie sã widzy, że nôwôżniejszô je szkołowizna. Żebë, na zaczątk
we kożdi szkole na Pòmòrzim béł jãzëk kaszëbsczi, to bë ju
bëło richtig. Żebë lëdze moglë sã gò ùczëc, nawetka jakò cëzégò
jãzëka. Czemù? Żebë wszëtcë, chterny kùńczą szkoła rozmielë
po kaszëbskù. Na to nóm je nót wiele lat, przënômni 10.
Drëgô zacha, to są symbole. Miono najégò wòjewództwa, grif
w herbie... To sã dô zrobic chùtkò. Zjednoczenié całégo Pòmòrzégò,
naju séjm pòmòrsczi, chteren mòże stanowic prawò... na to
mùszimé pòżdac jesz pôrã lat.
Trzecô zacha, to kaszëbsczé pismiono. Më mómë dzysô pismiona
ò Kaszëbach, le ni mómë pismiona pò kaszëbskù. I tegò je nót.
Jesz jedno, czegò félëje, to fanë. Le w Kartëzach na ùrzãdze
wisy ka- szëbskô stanica. Na “Blewiązce” (Élsczi Kòse) przed
wieloma chëczama téż. Czéjbë wisałë wszadze - na chëczach,
ùrzãdach itd, bëło bë òd razu widzec, że tu są Kaszëbë.
A czemù ni mòżemë téż we krómach pisac ë gadac po kaszëbskù?
Bëło bë to dlô nas znakã, że włôscëcél je Kaszëba, a dlô turistów
bëła bë to téż atrakcëjô.
A cëż jô, zwëkłi człowiek, móga zrobic?
Jô mógã ò tim terô gadac, co më zwëkłi lëdze mómë do robieniô.
To nie je mòżlëwé, żebë jeden człowiek òdmienił swiat. Ale
mòżemë gò òdmienic, jeżle bądzemë dzejac raza. Mùszimë cygnąc
dali to, co òstało nazwóné “prôca ù pòdstôw”. Mùszimë më wszëtcë
ò tim sobie wiedno mòwic. To je prosté: na zaczątk, czédë
weńdzesz do krómu, pòwiédz: “Pòchwôlony” abò “Dzéń dobri”
(a nié jacziés tam: “dzień dobry”). Zapëtéj: “Dlôcze u waju
na krómie ni ma naklejczi z grifã?” Wezkôj so taką naklejka
na auto. (Jeżle nie wiész skądka, zadzwoni do naju Redakcëji.)
Pò ti naklejce bãdzesz widzec chto dzejô razã z tobą. Jidz
głosowac do sejmu, senatu, sejmikù na Kaszëbów. Sã gôdô: zrzeszónëch
naju nicht nie złómie. To je swiatô prôwda! Mùszimë so trzëmac
razã ë razã jisc wprzód.
Paweł Kąsk
zaczątk
|