Kaszëbów mòże nalezc w kòżdim nórcëkù swiata. Są wnetka
wszãdze. Nawetka sznëkrëjąc w Jinternéce mòżesz na nich trafic.
Ni mô tuwò dzywù – Kaszëbi chcąc żëc w tim dzysdniowim swiece
mùszą dzejac a rozkòscérzac wiédzã ò se na wszelejaczi ôrtë.
Jinternét je do tegò baro dobrim nôrzãdzã – doch dzys dnia,
a witro jesz wicy, lëdze szëkając wiédzë, òkróm tegò, że czëtają
ksążczi, corôz czãszczi wlączają kòmpùtrë, w chtërnëch szëkają
òdpòwiesców na zadóné pëtaniô.
Stronów tikającëch sã kaszëbiznë je nawetka dosc tëli, a dërch
pòwstôwają nowé. Ne nôcekawszé są niżi:
www.naszekaszuby.pl – starna prowadzonô bëła przez Staszka
Gepperta. Mòżesz na ni nalezc artiklë tikające sã kaszëbsczich
sprôw ë wiodła ò czekawëch rozegracëjach. Je tam téż fòrum,
na chtërnym mòżesz zadac pëtanié, rzec ò dzysdniowëch
jiwrach abò napisac wiérztkã, szpôs abò pòwiôstkã. Je
tam téż dosc wiele òdjimków a lënczi do jinëch czekawëch
stronów. Wedle badérowaniów socjologicznëch Nasze Kaszuby
są jednym z dwóch nôwôżniészich môlów, gdze sã rozprôwiô
ò kaszëbsczi juwernotë |
 www.kaszubia.
com – kaszëbskô wëdowiednô starna prowadzonô je bez
Marëka Kwidzińskiego. Nalézesz w ni lënczi do wszelejaczich
kòmpùtrowëch môlów, w jaczich napisóné je cos ò Kaszëbach. |
 www.rastko.net/rastko-ka
– je to czekawi projekt, chtërnégò célã je zebranié jak
nôwicy wiadłów ò Kaszëbach w jednym placu. Przédnikã tegò
projektë je Duszan Pazdziersczi. |
 csb.wikipedia.org
– to kaszëbskô jinternétowô encyklopediô. Z miesąca na
miesąc je tam corôzka wicy òpracowónëch hasłów. |
 www.cassubia-dictionary.com
– pòmalinkù fùlëje sã téż jinternétowi słowôrz, w chtërnym
dostãpné są dopiérzô dzéle kaszëbskò-pòlsczi ë pòlskò–kaszëbsczi |
 czetnica.org na starna je zrobionô, bë promòwac kaszëbską pismieniznã.
Tuwò nalezc jidze krótczé żëcopisë kaszëbsczich pisôrzów,
m.jin. Flóriana Cenôwë, Aleksandra Labùdë, Alojzégò Bùdzysza
a przikładë jich tekstów. |
| Namienioné kaszëbsczi pismieniznie są téż stronë: |
 www.zymk.net
– na chtërny są wiadła ò karnie młodëch piszącëch pò kaszëbskù
Zymk. Nalezc tam téż jidze jich dokôzë prozã, piosenczi,
wiérztë, satirã. |
 fif.kaszubia.com
– je to strona Kaszëbsczégò Kabaretë FiF – historiô ë
tekstë są pò pòlskù ë kaszëbskù. |
Swòją stronã mô téż Kaszëbskò-Pòmòrsczi Zrzeszenié www.kaszubi.pl,
gdze jidze sã czegòs dowiedzec ò dzejanim Zrzeszeniô… le próżno
szëkac wiadłów ò Kaszëbach (m.jin. dzél „Historëjô” je òd
dłëższégò czasë „w rëchtowaniém”. Swòjé stronë mają téż òddzałë
Zrzeszeniô m.jin. part w Kòlbùdach www.kolbudy.(arch),
part bëloczi z Łebcza www.zkplebcz(arch.),
wejrowsczi part www.zkpwejherowo.(arch.),
czë òddzél w Miastkù www.republika.pl/zkpmiastko. Ò Karnie
Sztudérów Pòmeranijô jidze sã dowiedzec tuwò: www.pomorania.pl.
Òkróm tegò swòje môle w jinternéce mają kaszëbsczé miasta,
ùrzãdë, gminë, pòwiatë, fyrmë, gazétë np. Òdroda odroda.kaszubia.com,
a wëdôwiznë jak na przëmiôr naj wëdôwca www.wydawnictworegion.pl.
Na kùńc rada: jak sã kòmù niechc za baro szëkac niech le scygnie
so stądka k-meleon.kaszubia.com
kaszëbsczi jinternétowi przezérnik, wpisze tam słowa Kaszëbë,
Kaszëbi abò no samò z pòlska, ë na gwës cosz czekawégò naléze.
belok@NO_SPAM_op.pl
zôczątk |
