Dušan-Vladislav Pazdjerski
Wiedno,
czedë wëdôwóny je jaczis etimòlogiczny słowôrz jaczégòs jãzëka
ze słowiańsczich nôrodów je mòżno rechòwac na jaczés òglowòsłowiańsczé
jãzëkòwé pòwiązaniô. Tak je téż w przëtrôfkù nônowszégò serbsczégò
słowôrza (Εmuмoлoшкu peчнuк срncкoг jeзuкa, cвecka 1: A, redachtor
A. Лoмa, Бeoгpaд, 2003), gdze je wiele òdwòłaniów do òglowòsłowiańsczich
zdrzódłów, a co je dlô naju nôwôżniészé – téż do kaszëbsczich.
Przede wszëtczim je mùs pòdsztrichnąc, że baro wôżnym zdrzódłã
dlô ùtwórców słowôrza w swòji etimòlogiczny szëkbie są: Słownik
etymologiczny kaszubszczyzny, ùtwórstwa W. Bòrisia ë H. Pòpòwsczi-Tabòrsczi
(Warszawa 1994-), pózni Słownik gwar kaszubskich na tle kultury
ludowej B. Zëchtë (Wrocław 1967-1976) ë Leksyka kaszubska
na tle słowiańskim H. Pòpòwsczi-Tabòrsczi ë W. Bòrisia (Warszawa
1996). Pòmòcné dlô ùtwórców Εmuмoлoшкu... bëłë téż ë jinszé
zdrzódła, co w nich òstałë òpracowóné jãzëczi pòlsczi, pòłabsczi,
stôropòlsczi ë prasłowiańsczi, w jaczich to zdrzódłach je
téż wiele òdwòłaniów do kaszëbsczégò jãzëka. Przënôlégô zaznaczëc,
że ùtwórcóm wierã nie bëłë dostãpné baro wôżné ë cekawé słowarze
kaszëbsczégò jãzëka, przede wszëtczim S. Ramùłta Słownik języka
pomorskiego czyli kaszubskiego, F. Lorentza Slovinzisches
Wörterbuch ë Pomoranisches Wörterbuch, a téż J. Trepczika
Słownik polsko-kaszubski. Tak samò pòmòcnym nôrzãdzã dlô ùtwórców
Εmuмoлoшкu... bë béł Atlas językowy kaszubszczyzny i dialektów
sąsiednich pòd redachcëją Z. Stiebera ë H. Pòpòwsczi-Tabòrsczi.
Równak, wëbiér ùtwórców je mòżnô òbszacowac jakno ùdałi –
kò fuńdamentné pòdrãczniczi òstałë bez nich wëzwëskóné.
zôczątk |