Òdroda 2005 nr 5(39)

Obklodka nr 5(39)

Tekstë ònlajn:

Dokôzë na Gòdë ë Nowi Rok

Tómk Fópka

Gòdowô nôdzeja

Kòl kùmka, pòd kùńc rokù rôz
Sôdł Józef ë so zażił chłop
Marija cos nócy, bë ùsnął Knôpk
Pasturcë rãce grzeją rôd,
Zacht bùten mô ùwióné smiot…
Za òknã, pò niebie gwiôzdzëskò gnô…

Zôs przëszedł Bòżi Syn, nipòcym- słëszny grzim
Przënôszô dlô lëdztwa nôdzeji wid
Zawòłô w cemną noc, dalek pòniese głos
Dze dësze wëlãkłé kòmùdnosc żgô…

Slëskò, trzôsk, gwës sã spùrgnął chtos
Stróż w baszkã sóm ze sobą grô…
Tuńcëje wiater, sniegòwi strój tkô…
Parôt wieczerza wnetka mdze
Karp skôcze, nie chce dac sã zjesc
Gwiôzdora psë mòcnò szarpią za miech…

Zôs przëszedł Bòżi Syn…

Witro sã zmieni lëdzczi swiat
Człowiek mdze mógł spòkójno spac
Òdéńdą mòrë, czej zéwnie pòrénk…
Wkół zmerkôsz wnetka dobra mòc
Cëzy ce – Witôj! – rzecze chòc
Do stołu z niedrëchã zasadnie drëch.

Zôs przëszedł Bòżi Syn…

Nowi Rok

Wejle, zdrzë! Chtëż to je?
Z górë do naj zjedze wnetk!
Cëż za Pón?
Rãdé kònie rwią przez smiotë!
Zwónczi zwònią!
Chto to mòże bëc? Czësto krótkò je!

Stôri Rok sóm trzimie lécczi!
Fest zmãczony w kastkã wzérô,
Dze knôpik w se mòce zbiérô,
Bë kùczrowac kawlã lëdzczim…

Wejle, zdrzë! Chtëż to je!
W górã òd naj wjedze wnetk!
Nowi Rok!
Nëkô drawò, mrozã trzaskô,
Kò karnawôł!
Dzëwëch tuńców czas. Witôj pòstrzód nas!

zôczątk