Dušan-Vladislav Paždjerski

Projekt Rastkò-Kaszëbë, we wespółrobòce z Akademicczim Centra Kùlturë Gduńsczégò Ùniwersytetë ë Zakładã Kòmparatisticzi GÙ, zaczął seriã diskùsëjów na témë tikającé sã kaszëbiznë. Seria je pòzwónô "Kaszëbë w XXI wiekù" ë bãdze òdbiwa sã co nômni dwa razë w rokù.

Pierszé zéńdzenié, pòd titlã "Kaszëbsczi jãzëk – perspektiwë rozwiju", òdbëło sã 10 lëstopadnika 2005 rokù na zalë Filologiczno-Historicznégò Wëdzélu GÙ. Bëła to diskùsjô ò przińdnoce kaszëbsczégò jãzëka. Wzãlë w ni ùdzél dr Tomôsz Wicherkiewicz z Ùniwersitetë m. Adama Mickiewicza w Pòznanim, prof. Jerzi Tréder, prof. Edward Bréza, prof. Cezari Òbracht-Prondzyńsczi, prof. Józef Bòrzëszkòwsczi (wszëtcë z GÙ), Artur Jabłońsczi – przédnik Kaszëbskò-Pòmòrsczégò Zrzeszeniô, ë Eugeniusz Gòłąbk, twórca wiela kaszëbskòjãzëkòwëch ksążków ë slédno wëdónégò Kaszëbsczégò słowôrza normatiwnégò.

Diskùtańcë zastônôwialë sã nad losã kaszëbsczégò jãzëka ë spòsobama jegò òchronë, ë téż nad tim, abë nie pòdzelëł losu jinszëch „môłëch” jãzëków, chtërné zdżinãłë abò ùmiérają.

Planowóné témë nôstãpnëch edicjów diskùsëjów bãdą tikac sã jiwrów normatiwacjë kaszëbsczégò jãzëka, wëdôwnictw kaszëbskòjãzëkòwëch, nôùczi kaszëbsczégò w szkòłach ëtd.

Òrganizatorzë chcą téż wëdawac pùblikacje z zapisónyma diskùsjama.

dolmaczënk: Róman Drzéżdżón

zôczątk