Szedł so rôz jeden gbùr bez Wejrowò ë zapitôł jaczegòs człowieka:
- Blëskò je ju do rënkù wejrowsczégò?
Nen rzeknął:
- Jo, jaczés trzë minutë piechti.
Trafił drëdżégò ë zapitôł ò to samò, a ten mù rzeknął:
- Jo.
Trzecy spitóny ò to samò òdrzeknął mù:
- Noo...
Pòdszedł tedë gbùr do szandarë ë tak do niegò gôdô:
- Jô jem trafił tuwò trzech lëdzy, kòżdégò jô jem zapitôł
czë je to blëskò do rënkù. Jeden mie rzeknął „Jo, jaczés trzë
minute piechti”, drëdżi „Jo”, a trzecy: „Noo..”. Czemù kòżden
gôdôł jinaczi?
- Bò nen piérszi to bëł taczi bëlni, wësztôłcony, kùlturalny
Kaszëba, drëdżi - taczi zwëkłi Kaszëba, a ten trzecy to béł
bòsy Antk, chteren nie rozmieje pò kaszëbskù gadac.
- Në jo, a Wë gwësno jesce bëlny Kaszëba?
- Noo...
zaczątk
|