Majkel Dżeksón
Richtich czësti kaszëbsczi zort je: cemny bialisk ò mòdrëch
òczach. Në, na taczé zachë nicht nie rzeszi ùwôdzi. Kò òd
stalat bëlë czôrnészi ë czerwionowłosy… Në jo… A czéj Mùrzink
Bambò òswiadczëc bë chcôł, że je Kaszëbą? A czéjbë jesz chcôł
przënôlegac do lëdowégò karna mùzycznégò? Jakno chto – niechtërny
zapitają – diôbelsczé skrzëpice? A czéjbë Mùrzink Bambò weblaknął
jak Majkel Dżeksón? A dlôcze nié?
S. Nôgel
Taći dlëđi đibći ćij!
Taći dlëđi đibći ćij, jak to są gôdô drëśë, njé? Vśëtcë gôdajų,
že kaśëbśći pisënk nje je letći, té më doślë swjųdë, źe moźe
bë go tak pëźną zblëźëc do tego co są gôdô. Më so prawje wząlë
lëtrë ë regle z jinśëh slovjanśćih jązëkóv a piśemë. Le ni
mjéta nama tego za vëśćëźënë.
Hcemë le so źec téź – od dzisô w kaśëbiznje bëlaćenié je dopuśćoné,
temu, źe udjakritovjenje bëlo za vjalđé z tim glëpim polśćim
„ł”.
A jeźlë są komus ten osoblëwi, rihtih apartny pisënk nje vjidzi
– baro prosimë – vjedno moźe pisac tak jak na poslédnëh starnach
najégo pjismjona, tak zwëćajno. Në ale jak to gôdajų njehtëny
mlodzëzna mô swoje prawa ë moźe wjedno swój glëpji pozdrzatk
wërazëc. Në ten to nje je taći glëpi, temu źe ju ćile razóv
w kaśëbiznje bëlë taćé ùdbë, źebë pisac jak nôblëźi tego jak
są gôdô.
Më nje vjémë jak naj reglowji pjisënk je grądi dlô cëzińcóv.
A tak po prôwdze je. Ti bjédôcë są namarahujų vjedno nad najima
kaśëbśćima (a vzątima z polśćégo pjisënku) „sz”, „cz” abo
„dż”. Narakujų są nad tim jak rozsadzëc „ò” od „o”.
A ćë nóm to nji mdze lźi – ti gôdajų? Mje są zdôvô, źe jesmë
dosc tëli pźënąconi do tego pjisënku, co terô uźiwómë. Navetka
ostalo zorganjizovóné kaśëbśćé diktando latos na zimku, na
jaćim bëlo po prôvdze vjele bjôtkujųcëh o pjerśi plac. Mómë
dosc tëli gazëtóv (choc ko jesmë zgodny źe dërh za môlo).
Në té më so dómë poku z tą revolucëją…
Móm le nôdzeją, źe pźenômni ju niht ni mdze pjisôl z félama…
Na vśëtćih starnach Odrodë je jak vjedno pisënk normalni –
reglovi – taći, źebë normalni Kaśëbi zrozmjelë bez dlëgśégo
mësleni. Ë taći ju mdze.
Redakcëjô
zaczątk
|