"Czë
w wejrowsczi, pòwiatowi radze są mòże jaczis Kaszëbi?"
Tak zakùńcził jem mój "Lëst òtemkłi w sprawie kastrowaniô
z kaszëbiznë", chtëren ùkôzôł sã w Jinternéce na „Zasobach
Kaszebskò- Pòmòrzczich” òb lato tegò rokù a pò tim w séwnikòwim
numrze "Òdrodë".
Òkôzało sã, że są. Żëją, czëją i dzejają a przë tim „Òdrodã”
czëtają. Sztót pò pierszi pùblikacëji, wejrowsczi starosta,
Józef Reszke zwòłôł prasową kònferencëją, na chtërny głosno
rzecz całą nazwôł, rësził drogòwi zarząd i pòwiatową Pòlicëją.
Gazétnicë téż òstro wzãlë sã do robòtë. W całoscë „Bôłtëcczi
Dzénnik” i „Głos Wëbrzeżô”. Z „Głosu” téma zadostôł sã na
jinternétowé, trójgardzczé diskùsjowé karno pòd titlã „Chto
nie lëdô Kaszëbów”. Òdbëła sã biôtka na słowa, tam sam téż
pò kaszëbskù...
Kùreszce, dzãka Reszce wejrowsczé tôfle òstałë pòprawioné,
chòc pòd kùńc séwnika zôs jaczis dołemón zeszpacył tôflã òd
stronë Lãbòrga...
Przë tim całim „tôblëcowim jiwrze” òkôzało sã, że wejrowsczi
starosta dobrze rozmieje gôdac pò kaszëbskù!- ùdokaznił to
m.jn. w radiowim wëwiadze w sprawie tôflów dlô „Na bôtach
ë w bòrach”- (ò dobri kaszëbiznie starostë zagwësnił téż Genk
Prëczkòwsczi).
Ni le blós gôdac, rozmieje téż dzejac dlô kaszëbiznë!
Przë leżnoscë: jeżlë chtos z kaszëbsczich radzëcelów wejrowsczi
pòwiatowi radë pòczuł sã ùrażony mòjim „Lëstã òtemkłim...”
żëczã bëlnégò wiodra!
Tomôsz Fópka
zaczątk
|