Ksążka na Gòdë
Mia bëc ùfarwienim Ji 99 gebùrstagù, a sta sã òddzãkòwanim.
Taczi los przëpôdł dosc apartny ksążeczce, co z jedny starnë
noszi titel Włodek w listach matki (welowanié ë przërëchtowanié
Wòjcech Czédrowsczi), z drëdżi Proverbia w prozie Anny Lajming
(welowanié ë przërëchtowanié Jerzi Tréder). Ksążëczka ta,
40- sto starnicowô, wëdónô bez Oficynã Czec, je, jak bëło
mòżno sã domëszlëc, związónô tematiczno z kaszëbską ùtwórczynią
– Aną Łajming. Mô w se ten dokôz pôradzesąt wëjimków lëstów,
co w nich je ò znónym malownikù, a téż profesorze Akademiji
Kùńsztów Piãknëch – Włodzimierzu Łajmingù, napisónych bez
A. Łajming do W. Czedrowsczégò; mô w se téż wëbróné z dokôzów
ùtwóczynie przësłowia, kalãdarzowé prognozë na pògòdã, rzeczenia,
a téż krótczi céch J. Trédra ò jãzëkù prozë autorczi Czterolistnej
koniczyny. Ksążeczka ju na pierszi wezdrzenié ceszi òkò baro
widzałim wëdanim, a wedle mie ji przédną wôrtnoscą są te prawie
przësłowia ë jinsze „mądroscë lëda”, chtërnich, jak pisze
w Proverbia… J. Treder, ni ma w Słowniku gwar kaszubskich
na tle kultury ludowej ks. B. Zëchtë.
Jôbard
zaczątk |