|
Mùzëka swiata |
Daleczé Jindie?
Jindijskô mùzyka je blëższô dlô Europëjana jak mùzyka Daleczégò
Pòrénkù. Mùzycznô kùltura Jindijów nie je równak jednotną
cawnotą. Skłôdô sã z mùzyczi jindoeuropejsczich przëbëczników,
co w daleczich czasach przëcëgalë sã na Jindyjsczim Cëplu,
ë téż muzyczi autochtonicznëch plemionów. òbie sã jinsze.
Przedjindoeuropejskô mùzyka mia skòmplikòwóną ritmikã ë téż
rozmajitoôrtnéritmiczné jnstrumentë (bãbnë). Z czasã zarëtałë
sã wërazné apartnotë midzë mùzyką nordową ë pôłniową. Nordowô
mùzyka znankòwa sã bòkadnoscą farwë ë jinstrumentarije (a
bëłë to przede wszëtczim strënowé jinstrumentë) ë téż pòdda
sã wzątkóm arabsczich ritmów (jislamsczi). Pôłniowô zato ùchòwa
wiele dôwnëch znanków, równo jindoeurpejsczi mùzyczi (Wedów),
jak ë tu bëtné. Apartnotë półniowi mùzyczi zaznacziwają sã
téż w ritmice ë jinstrumentarije.
Jawerną znanką jindijsczi mùzyczi je felënk prób zmiérzającëch
do ùgòdzëwaniô bezògôdkòwi wiżawë zwãków. Ë to téż rozszlachòwùje
mùzykã Jindijów òd Europë, czë Chin, nadto pòkôzëje na ji
spiéwną przirodã. Przëstoji ò tim môłô rozcygłosc melodyczny
lënije, czë ùżiwóné trzë registrë: piersny, gardłowi ë głowòwi.
Dôwnô jinstrumentalnô mùzyka doprowôdzëła przede wszëtczim
do rostu ritmiczi. Melodiczné jinstrumentë (flétë, cytra,
setar, tambùra, sarod) ùmòcniłë ë rozwinãłë spiéwną melodikã.
Jindijskô mùzyka je jednogłosowô. Efektë bùrczibasu na jinstrumence
„vina” mają farwné znakòwanié. Prowadzenié ë procëmstawienié
pôru wiôrztów wëstãpùje nôbarżi w ritmice. Nimò rozmajitoscë
farwów, jindyjskô mùzyka je wëzbëtô dinamicznégò zjinaczëniô.
Terô europejskô mùzyka ë ji jinstrumentarijô òsta przejimniãté
z wiôldżim entuzjazmã przez jindyjską mùzykã. òsoblëwie jimpresjonisticznô
mùzyka, jak ë dżezowô, sta sã baro pòpularné z pòzdrzatkù
na farwnosc parłączoną z mòcnym ritmã.
A. Bradtke
zaczątk |
|
|
Wôrt je wiedzec, że...
...czedë 24 ë 25 lëpińca 1601 r. w Darłowie
môlowô szlachta szlubowa wiernotã pòmòrsczémù ksãcowi Barnimòwi
XI, pierszégò dnia, pò niemieckù, zrobił to leno môłi dzél,
a drëdżégò, pò kaszëbskù, przësãgã złożëło wiele wicy lëdzy.
...kaszëbsczi tekst Òjcze nasz òstôł spisóny ju na zôczatkù
19. stalatégò w Szczenurzu (òkolé Lãbòrga) przez pastora Schadowsczégò,
ksãdza w Lãbòrgù, głoszącégò kôzania pò niemieckù ë pò kaszëbskù.
Òriginôł rãkòpisu òstôł nalazłi w Państwòwi Bibliotece w Berlinie
ë wëdóny razã z jinszima kaszëbsczima tekstama w 1938 r.
P. Bréza
|
|