W gardze Krëbanów, malinczich Brusach, 12 lat temù pòwsta
pierszô kaszëbskô licëjô. Nimò wszejejaczich pòzdrzatków,
równo pòzytiwnëch ë negatiwnëch KÒL w Brusach je bëlnotą wszëtczich
Kaszëbów. Òstatnyma czasama westrzód ùczniów, starszich ë
mieszkeńców Brus je czëc ò ùdbach likwidacëje szkòłë, zmianë
miona, ùtwòrzenim zrzeszë szkòłów.
W rujanie 2001. w KÒL òdbëła sã zbiérnô kòntrola Rewizëjny
Kòmisëje Rede Krézu Chònice. We wnióskach, ale blós ùstno
ë le blós midzë szkólnyma, nôleżnicë ny kòmisëje delë ùdbã
stwòrzeniô z Warkòwą Szkòłą w Brusach Zrzeszë Szkòłów wëjasniwô
dir. szkòłë Henrik Krzoska. Argùmentã bëła tuwò ekònomicznô
kalkùlacëjô ë òrganizacëjnô letkòsc.
A co tej bë sã sta z mionã „kaszëbskô”? Òsta bë le blós w
„bënowëch” sprawach, bò na sztamplu bë bëło widzec miono „Zrzesz
Szkòłów”. Miast wzrostu ë rozwiju kaszëbskòscë szkòłë, më
bë mielë òdwrotny stón. Czë są szansë na Kaszëbską Zrzesz
Szkòłów? – Nie ma niżódnëch jinicjatiwów òd Warkòwi Szkòłë.
Gwës më bë bëlë zmòcniony, ale nie wezdrzi za tim – gôdô dir.
H. Krzoska.
Na dzysô nie ma co sã jiscëc, mësli H. Krzoska. We wnióskach
protokòlu Kòmisëje je wërazno napisóné: Ze wzglãdu na òridżinalnotã
sztôłceniô redżonalnégò apartnosc KÒL mùszi bëc ùtrzëmónô.
To je wiedzec, że lepi je „dmùchac na zëmné”. Czë direchtór
mdze barnił „Kaszëbsczégò” w mionie szkòłë? – Nie dopùszczóm
do se mëslë, żebë KLO nie przedërchało. Dzysô nie dopùszczóm.
Równak nié za „wszaldżi priz”. – gôdô. Dzysô, czë nié dzysô,
mést są sprawë za jaczé je wôrt biôtkòwac za wszaldżi priz,
ë do kùńca. Żlë direchtora mdze barnił, më gò gwës nie òpùszczimë.
A. Cupa
zaczątk
|